ក្តីសង្ឃឹមរបស់ Arsenal បញ្ចប់ ខណៈ Man City ឆ្ពោះទៅកាន់ការលើកពាន
ក្តីសង្ឃឹមរបស់ក្រុម Arsenal ក្នុងការប្រជែងដណ្តើមពានក្របខ័ណ្ឌ Premier League ទំនងដូចជាបញ្ចប់អស់ទៅហើយ ក្រោយពីពួកគេបានរងបរាជ័យយ៉ាងអាម៉ាសក្នុងលទ្ធផល ៣-០ ក្រោមស្នាដៃក្រុម Brighton កាលពីថ្ងៃអាទិត្យ។ ក្រោយពីក្រុម Manchester City បានកត់ត្រាជ័យជម្នះក្នុងលទ្ធផលដូចគ្នានេះ នៅលើទឹកដីក្រុម Everton ដើម្បីនាំមុខ៤ពិន្ទុដាច់ ក្រុម Arsenal បានដឹងថា ការដណ្តើមជ័យជម្នះនឹងគ្រប់គ្រាន់សម្រាប់ពួកគេក្នុងការរក្សាក្តីសង្ឃឹម។
ប៉ុន្តែ ពួកគេបានបង្ហាញពីកម្រិតលេងដ៏ត្រដាបត្រដួស និងស្ថិតក្រោមការគ្រប់គ្រងស្ទើរតែទាំងស្រុងពីគូប្រកួតរបស់ខ្លួន ស្របពេលដែលកីឡាករ Julio Enciso, Deniz Undav និង Pervis Estupinan សុទ្ធសឹងបានស៊ុតបាល់បញ្ចូលទីដូចគ្នាឲ្យក្រុមរបស់លោក Roberto De Zerbi ដើម្បីធ្វើឲ្យពួកគេខិតកាន់តែកៀកក្នុងការឈ្នះកៅអីទៅលេងក្នុងក្របខ័ណ្ឌអឺរ៉ុប។
លទ្ធផលនេះ ក៏បានធ្វើឲ្យក្រុម Brighton ឡើងទៅកាន់ចំណាត់ថ្នាក់លេខ៦ ដោយសល់១ប្រកួតក្នុងដៃផងដែរ។ ខ្សែបម្រើ Martin Odegaard ប្រធានក្រុមនៃក្រុម Arsenal បានឲ្យដឹងថា៖ «ពិតមែនហើយ និយាយឲ្យត្រង់ទៅ វាពិតជាលំបាកហើយពេលនេះ។ យើងត្រូវតែទទួលស្គាល់ការពិត។ ខ្ញុំគិតថា ក្រុម Man City នឹងមិនធ្វើឲ្យមានកំហុសនៅពេលនេះឡើយ។តាមដានព័ត៌មានបាល់ទាត់ថ្មីៗ
Comments
Post a Comment