Liverpool ចង់បញ្ចប់រដូវកាល ដោយលទ្ធផលវិជ្ជមាន ជួបម្ចាស់ផ្ទះ Southampton

 

ក្រោយមិនអាចបញ្ចប់បំណងTop-៤បាននោះ ក្រុមហង្សក្រហម Liverpool ត្រូវធ្វើដំណើរទៅជួបក្រុមម្ចាស់ផ្ទះដែលត្រូវបានកាត់ចេញពីក្របខណ្ឌ EPL មុនគេ​នោះគឺ Southampton សម្រាប់ការប្រកួតទាំង១០គូនៅរាត្រីថ្ងៃអាទិត្យស្អែកនេះវេលាម៉ោង១០និង៣០នាទីយប់។ 

អាចចាត់ទុកថាជាការប្រកួតបង្គ្រប់កិច្ចបិទរដូវកាល ប៉ុន្តែក្រុមចំណាត់ថ្នាក់លេខ៥ Liverpool មានបំណងចង់ទទួលបានលទ្ធផលវិជ្ជមានពីការប្រកួត​ចុងក្រោយនេះ ខណៈដែល Southampton មិនដែល ឈ្នះក្នុងផ្ទះគិតត្រឹម៣ប្រកួតចុងក្រោយ ប៉ុន្តែ Liverpoolបានឈ្នះរាល់ការប្រកួត៣ដងក្រៅដីចុងក្រោយទៅវិញ។

ប្រវត្តិជួបគ្នា១១លើកគ្រប់ក្របខណ្ឌប្រកួតគឺLiverpoolឈ្នះ១០ដងហើយហង្សក្រហមតែងរកបានគ្រាប់បាល់មិនតិចជាង២គ្រាប់ទេរាល់ការប្រកួតម្តង​ៗ៕តាមដានព័ត៌មានបាល់ទាត់ថ្មីៗ