លេចឮថាក្លិបអង់គ្លេសមួយកំពុងតាមញ៉ែ Messi ខណៈក្លិបអារ៉ាប៊ីសាអូឌីតផ្ដល់ ១.៣ពាន់លាន$

 

Lionel Messi របស់ក្លឹប Paris Saint-Germain គ្រោងនឹងធ្វើការសម្រេចចិត្តលើអនាគតរបស់គាត់ក្នុងពេលឆាប់ៗនេះ ដោយក្លឹបមកពី Premier League ត្រូវបានគេរាយការណ៍ថា ចាប់អារម្មណ៍ចង់បានកំពូលខ្សែប្រយុទ្ធរូបនេះ។

កិច្ចសន្យារបស់កីឡាករសញ្ជាតិអាហ្សង់ទីនរូបនេះនៅ Parc des Princes នឹងផុតកំណត់នៅខែក្រោយ ដោយមិនទាន់មានព័ត៌មានអំពីការបន្តថ្មីនៅឡើយទេ។ ខណៈដែលការពិភាក្សាជុំវិញអនាគតរបស់គាត់កាន់តែក្តៅគគុក ជាពិសេសជុំវិញការវិលត្រឡប់ទៅកាន់ក្លឹប Barcelona ស្របពេលអ្នកការសែតដ៏ល្បីលោក Fabrizio Romano បានរាយការណ៍ថា ការសម្រេចចិត្តនឹងត្រូវធ្វើឡើងដោយ Messi នៅប៉ុន្មានថ្ងៃខាងមុខនេះ។

ខណៈពេលដែលក្រុម Al-Hilal របស់អារ៉ាប៊ីសាអូឌីត និងក្រុម Inter Miami នៃក្របខណ្ឌ MLS របស់អាមេរិក ក៏បង្ហាញចំណាប់អារម្មណ៍ទៅលើតារាឆ្នើមរូបនេះផងដែរ។ ស្របពេលប្រភពនៅក្នុងប្រទេសអាហ្សង់ទីនបានបង្ហើបថា ក្លឹបនៅ Premier League ដែលមិនបញ្ចេញឈ្មោះក៏លេចវត្តមានចង់បាន Messi ដែរ។តាមដានព័ត៌មានបាល់ទាត់ថ្មីៗ