ជើងឯកបាល់ទាត់ SEA Games ត្រៀមប្រកួតជាមួយម្ចាស់ជើងឯក World Cup នៅខែក្រោយនេះ
សហព័ន្ធកីឡាបាល់ទាត់ឥណ្ឌូណេស៊ី (PSSI) ប្រកាសថា នឹងប្រកួតមិត្តភាពជាមួយម្ចាស់ជើងឯក World Cup នៅថ្ងៃទី 19 ខែមិថុនា 2023 និងបានអំពាវនាវឱ្យរក្សាសណ្ដាប់ធ្នាប់ ចៀសវាងការប្រកួតត្រូវលុបចោល។
ឥណ្ឌូណេស៊ីបានបញ្ជាក់អំពីការប្រកួតមិត្តភាពជាមួយអាហ្សង់ទីន នៅក្នុងសន្និសីទសារព័ត៌មាននៅឯទីលានបាល់ទាត់ Gelora Bung Karno នារសៀលថ្ងៃទី 24 ឧសភា។ ប្រធាន PSSI លោក Erick Thohir ឱ្យដឹងថា ការប្រកួតមិត្តភាពជាមួយគូប្រជែងលំដាប់ខ្ពស់បំផុតដូចអាហ្សង់ទីន គឺជាឱកាសដ៏មានតម្លៃដើម្បីសាកល្បងផ្លូវចិត្ត សមត្ថភាព និងដកបទពិសោធន៍សម្រាប់ក្រុមម្ចាស់ផ្ទះឥណ្ឌូណេស៊ី។
មេដឹកនាំ PSSI ក៏បានបង្ហើបឱ្យដឹងថា នឹងដាក់ពង្រាយកម្លាំងសន្តិសុខទ្រង់ទ្រាយធំបំផុតដើម្បីធានាសុវត្ថិភាពដល់ Lionel Messi, Lautaro Martinez និងមិត្តរួមក្រុម ចៀសវាងហានិភ័យការប្រកួតត្រូវលុបចោល។អានអត្ថបទសំខាន់ៗបន្ត
Comments
Post a Comment